Miércoles 23 guive oñepyrũta ojekobra salario ha beneficio social jasy octubre-gua

Agencia IP.- Ko miércoles oútava oñepyrũta ojekobra beneficio social ha salario ko jasy rehegua, he’iháicha Ministerio de Economía y Finanzas (MEF). Kóva oikóta jueves 31 peve.

Miércoles-pe okobráta hína umi veterano Guerra del Chaco rehegua ha pensionado kuéra, ha jueves 24 katu okobráta umi jubilado Caja Fiscal rehegua.

Umi mba’apohára administrativo ha salud pública rehegua okobráta lunes 28-pe, hakatu mba’apohára fuerza pública, poder judicial ha gobernación kuéra okobráta jueves.

Martes 28-pe okobráta umi mbo’ehára ha mba’apohára Ministerio de Educación y Ciencias rehegua, ha avei Universidad Nacional ñane retã pukukuépe.

MEF oporomandu’ase umi pago ojejapo Solicitud de Transferencia de Recursos, umi Organismos y Entidades del Estado (OEE) ojehechaukáicha.