Ojejapóta feria de trabajo Abasto Limpio-pe, ha oñeikotevẽ 175 tapicha omba’aposéva

Agencia IP.- Ministerio de Trabajo, Empleo y Seguridad Social (MTESS) ohenói umi oikotevẽva hembiaporã toho Expo Empleo Abasto Norte Limpio-pe, ombyatýta ambue empresa upépe.

Ko féria ojejapóta hína viernes 23 de agosto-pe, 08:00 aravo guive 12:00 aravo peve, Salón Multiuso Bloque Shopping rehegua Abasto Norte-pe.

Umi ohoséva, ikatu oheja héra kuéra plataforma digital #EmpleaPY rupi, Ministerio de Trabajo, Empleo y Seguridad Social rehegua, ha’éva emplea.mtess.gov.py.

Peteĩha jey, Abasto Norte omotenonde ko’ãichagua tembiapo ñehenói oñomoirũvo MTESS ndive, ikatu hag̃ua oñemyenyhẽ umi vacancia ha ombojoaju empresa kuéra umi tapicha kuéra ndive.

Ko’ã mba’épe oñeikuave’ẽta 175 vacancia opáichagua área, oimehápe umi cargo vendedor, carnicero, chofer, panadero, cocinero, limpiador, producción, gerente de tienda, asistente salud ha seguridad ocupacional, mesero, call center, servicio al cliente, promotor ha repositor.

Empresa destacada ha’eháicha Kzero, Reimpex, Alma Mía, Credi Ágil, San Cayetano Comercial, Z-Carne, La Viennesa ha GM Business S.A. ohóta hína ko feria-pe.

Ko evento ha’e peteĩ ñeha’ã omokyre’ỹva inserción laboral ha omoporãve pe calidad de vida tavayguárakuérarã, ombojoajúva oportunidad de empleo formal umi empresa ojeikuaa porãva ñane tetãme, he’i kuri Ministerio de Trabajo.