![](https://www.paraguaydigital.com/wp-content/uploads/2024/02/426382752_803224435165318_6728714556854880746_n-e1707757314191-768x411-1.jpg)
![](https://www.paraguaydigital.com/wp-content/uploads/2024/02/426382752_803224435165318_6728714556854880746_n-e1707757314191-768x411-1-560x411.jpg)
Nacionales
Paraguái Ñe’ẽnguéra Sãmbyhyhára oĩ kuri Amandaje Ñe’ẽnguéra Sãmbyhyha ha ñe’ẽita rehegua
Paraguái Ñe’ẽnguéra Sãmbyhyhára, Javier Viveros, oñe’ẽ kuri ñe’ẽita ñemombareteve rehe ñane retãme, Amandaje Ñe’ẽnguéra Sãmbyhyha ha ñe’ẽita America Latina-pe, Ypykuéra Ñe’ẽita Ñemomorã Pa Ary Yvy’ape Ári reheguápe.
Sãmbyhyhára oñe’ẽ upépe Léi Ñe’ẽnguéra reheguápa mba’éicha oñemboajekuaa ha mba’éichapa avei, ñe’ẽita ñane retãme oguerekova’erã hendatee upe Léi ryepýpe,ha mba’eichaitépa ñande ypykuéra ñe’ẽ oñemotenonde ha oñeñangarekova’erã.
Upéicha avei oñe’ẽ ñe’ẽnguéra ñeisãmbyhy jegueroguata rehegua Ypykuéra Ñe’ẽita Ñemomorã Pa Ary Yvy’ape Ári (2022-2032) rehegua ryepýpe.
Upéicha avei PÑS Sãmbyhyhára he’i ojekuaaukaveva’erãha ñande ypykuéra ñe’ẽ ava’aty ñane retãmegua ha avei ambue tetãmeguápe oñemomba’évo iñarandupyeta ha iñe’ẽita.
Ipahaitépe omombe’u mba’éichapa oho tenonde gotyo guarani ñe’ẽ jepuru hekopete. PÑS guive oñemba’apo mbarete ojepuru porãve ha oñemyasãi hag̃ua guarani ñe’ẽ, tekombo’e, marandu’asãi ha ñeñangareko temimoĩmbykuéra ñane retãmegua ryepýpe.
-
Internacionales2 semanas hace
Incendios en São Paulo: dos muertos y 34 ciudades en alerta máxima
-
Notas4 días hace
Peña afirma que la venida de «Meta Day» es un día histórico para el Paraguay
-
Notas2 semanas hace
Delegación paraguaya en Corea explora infraestructura de ciudad inteligente con miras a futuras inversiones
-
Economia2 semanas hace
Terminal de cargas del Corredor Metropolitano del Este agilizará comercio internacional entre Paraguay y Brasil