![](https://www.paraguaydigital.com/wp-content/uploads/2023/12/51791365_1821224557982835_8145035615755304960_n.jpg)
![](https://www.paraguaydigital.com/wp-content/uploads/2023/12/51791365_1821224557982835_8145035615755304960_n-560x600.jpg)
Notas
Ko’ã arapokõindy ohasávape ojehecha 1.200 tapicha orekóva dengue
Tesãi ha Teko Porãve Motenondeha (MSPBS) he’i oĩ hetave hína dengue mba’asy ñane retãme. Mbohapy arapokõindy ohasávape ojekuaa 1.247 tapicha oguerekóva ko mba’asy. He’i hikuái avei 67% ko’ã káso oiko tetãvore Central, Itapúa, Caaguazú ha Paraguaýpe.
Avei, he’i hetave káso oĩ hína Paraguaýpe, Central, Alto Paraná, Guairá, Caaguazú, Cordillera, San Pedro, Canindeyú, Itapúa, Paraguarí, Ñeembucú ha Pdte. Hayes-pe.
Oñe’ẽvo umi opytáva arã tasyópe arbovirosis rehe, mbohapy arapokõindy ohasávape ojehecha 294 oikotevẽva opyta tasyópe. Umíva apytégui 118 ha’éva umi káso dengue rehe. Heta ko’ã káso ojehuve kuñanguérape. Umi orekóva 10 ary guive 14 peve ha’e hína oguerekove ko mba’asy.
Ko’ágã peve ko arýpe, 25 yvypóra omanova’akue dénguere ha 337 chikungúnyare.
Mba’asy Chikungunya
Chikungunya rehegua, ojehecha avei hetave káso ojoajúvo arapokõindy ohasava’ekuére. Mbohapy arapokõindy ohasávape ojehechakuaa 21 káso chikungunya rehegua tetãvore Central (8), Guairá (3), Itapúa (3), Caaguazú (2), San Pedro (2), Caazapá (1), Cordillera (1) ha Paraguaýpe (1).
Reguerekóramo akãnundu térã py’ajere, tye rasy, kane’õ térã huguy ñemongu’e, eho arã pya’e tasyópe opytáva ag̃uive, ikatu hag̃uaicha ojejoko pe mba’asy. Avei, ani remopohã nde jehe.
-
Internacionales2 semanas hace
Incendios en São Paulo: dos muertos y 34 ciudades en alerta máxima
-
Notas4 días hace
Peña afirma que la venida de «Meta Day» es un día histórico para el Paraguay
-
Notas2 semanas hace
Delegación paraguaya en Corea explora infraestructura de ciudad inteligente con miras a futuras inversiones
-
Empresarial2 semanas hace
Ojeporeka hína tapicha omba’aposéva sector industrial-pe