Notas
Tekoporâ Mbarete omoîrû ñepyrûma 1.053 familia-kuérape oîva Ñeembucú departamento-pe
Pilar distrito, Ñeembucú departamento-pe, 476 familia-kuéra oguerekóma tarjeta de débito, ikatu haguâicha oñemoguahê chupekuéra pirapire, Programa de Protección Social reheguápe, ojekuaavéva “Tekoporâ Mbaretépe”. Ko pytyvôrâ oñeme’ê jave, oîkuri upépe vicepresidente, Pedro Alliana, ah upe jave oñeme’êkuri 1.053 tarjeta-kuéra ko departamento-pe.
Aty guasu, hesegua, ojejapókuri salón de acto-pe, oîva Ñeembucú Gobernación-pe, upe jave oîkuri avei upépe, Ministerio de Desarrollo Social motenondehára karai Tadeo Rojas ha Ministra de Protección y Promoción Social y Económica kuñakarai María Ester Jiménez upéicha avei mburuvichakuéra Ñeembucú Departamentogua.
Oñeme’êvo tarjeta de débito mayma familia oñepytyvôvape, oñemboykéta heta mba’e péva apytépe, natekotevêvéina oñemondo cajero móvil, ha péicha hembyvéta peteî 4.000 millones de guaraníes Ministerio de Desarrollo Social-pe, ojepurútava oñepytŷvove haĝua, mayma familia oikotevêvévape, upére rogueru ha rome’ê ko’â tarjeta de débito maya familia-pe, ikatu haguâicha ha’ekueraite voi okora, he’i voikuri upe jave, karai Tadeo Rojas MDS mykahára.
Ministerio de Desarrollo Social niko, oipytyvôhína 5.274 tavayguakuérape oîva Ñeembucú Departamento-re añoite, ikatu haguâicha, omoîrû chupekuéra hembikotevême taha’e: hi’upyrâ, tesâira ha tekombo’e reheguápe; ko ñepytyvô ohupytýkuri tavakuéra guápe taha’e: Pilar, Humaitá, Tacuaras, Guazú Cuá ha Gral Díaz.
Jaikuaamive haguâ, Tekoporâ Mbarete herahína pytyvôrâ omotenondéva Ministerio de Desarrollo Social, péva nda’aréi ojehupive rire peteî 25%, omo’âñeteva’ekue ñane retâ sambyhyhára karai Santiago Peña.
Péicha omba’apohína ñane retâ Gobierno, Ministerio de Desarrollo Social rupive, ohekávo tekoporâve, mayma familia ñane retâygua, oikotevêvéva apytépe.
-
Internacionales2 semanas hace
De Eusebio Ayala a Nueva York: elenco folklórico de Cordillera representará a Paraguay en el desfile de la hispanidad
-
Notas5 días hace
El empresario Felipe Cogorno recibe la insignia de Ufficiale del Presidente de Italia, Sergio Mattarella.
-
Nacionales7 días hace
Paraguay conmemora el Día Internacional de las Mujeres Rurales: un homenaje a su contribución y resiliencia
-
Notas3 días hace
Relacionamiento comercial entre Paraguay y Emiratos Árabes con significativo repunte en el último año